د ټرانسپورټ وزارت د کارکونکو د بايوميټرېک لړۍ رسمآ پيل شوه
د ټرانسپورټ وزارت د کارکونکو د بايوميټرېک لړۍ رسمآ پيل شوه.
د اداري اصلاحاتو د خپلواک کميسون په همغږۍ او همکارۍ د ټرانسپورټ وزارت د ملکي خدماتو کارکونکو د بايوميټرېک کولو لړۍ د ټرانسپورټ وزير او د ياد وزارت د رهبرۍ د مالومات په ثبت کولو سره رسمآ پيل شوه.
د ټرانسپورټ وزير وويل: د جلالتماب جمهور رئيس د هدايت سره سم په اداراتو کې د اصلاحاتو په موخه نن موږ د دې شاهدان يو تر څو د ملکي خداماتو کارکونکي خپل ځانونه بايوميټرېک کړي او ياد سيستم د اوسني عصر اړينه او مهمه اړتيا ده.
ښاغلي ياري زياته کړه، ټرانسپورټ وزارت له دې وړاندې د روڼتيا او د مالوماتو د خپرولو لپاره (د پروژو د مالوماتو مديريت سيستم) (PMIS) رامنځته کړى دى، د جواسير او چلونې جواز د توزيع لپاره يې د يو ساده سيستم د رامنځته کولو په موخه عملي ګام پورته کړى.
د ملکي خداماتو ادارې عمومي رئيس احمد مسعود توخي وويل: موږ د جمهوري رياست د عالي مقام په هدايت د (HRMIS) يو معياذي سيستم رامنځته کړى دى او دا سيستم به د کارکونکو اړوند ټول مالومات درج او ثبت کوي،
د هغه په وينا په ددغه سيستم کې به د کارکونکو ټول اړوند اطلاعات او مالومات درج او ثبت کړاى شي او په اداراتو کې به د خيالي کارکونکو شتون او د فساد مخه ونيول شي.
د ملکي خداماتو او اصلاحاتو خپلواکې ادارې د (HRMIS) سيستم مسٶلې اغلې زرغونه اسلمي د ياد سيستم په اړه هر اړخيز مالومات وړاندې کړل.
په اخيره کې ښاغلي توخي د ټرانسپورټ وزارت څخه په ټولو پروسو کې د همکارۍ له امله مننه وکړه
