جمهور رئیس غنی: ترانسپورت قاچاق و فساددن مصئون بۉلیشی کېره ک

Anwar_Yaqobi
Sun, Jan 03 2021 9:53 AM
1

افغانستان اسلامی جمهوریتی جمهور رئیسی محمد اشرف غنی، بوگون توشدن آلدین جمهورلیک سرایی نینگ چهارچنار قصریده اویوشتیریلگن ییغینده ترانسپورت وزیرلیگی نینگ رهبریتی و مسئوللر بیلن اوچره شیب گپیردی.

دستلب ترانسپورت وزیری قدرت الله ذکی گپیریب، مملکت جمهور رئیسی نینگ باقیشی اساسیده ترانسپورت سکتورینی کوچه یتیریش همده افغانستاننی آسیا تۉرت یۉلیگه ایلنتیریش خصوصیده معیین ریجه لریمیز بار دېب ایتدی. بو رېجه لر عملگه آشیریلیشی بیلن افغانستان ترانزیت و اقتصادی قره شدن یخشی یوتوقلرگه اېریشیشی ممکن دېدی ذکی جنابلری.

قدرت الله ذکی، ترانسپورت وزیرلیگی فسادگه قرشی کوره شیشدن علاوه تخصصگه اعتبار قره تیش بیلن بیرگه بو وزیرلیک زمانوی تکنالوژی بیلن جهازله نیشنی نظرده توتگن دېب قۉشیمچه قیلدی. درآمدنی ییغیش اوچون منتظم نظارتی سیستم و وزیرلیکلر ارا کمیسیون ایجاد بۉلیشی، هماهنگلیکلر کۉپه ییشی، زمانوی ترانسپورتی شرکتلر و جینوا کنفرانسیده افغانستان نینگ ترانسپورت بۉلیمی تۉغریسیده بېریلگن تعهد و منطقوی باغله نیش مساله لر جدی تعقیب ایتیله دی دېب تیلگه آلدی.

ترانسپورتی تیزیم یخشیله نیشی اوچون مذکور وزیرلیک نینگ دستور و رقجه لریدن حمایت بیلدیرگن جمهور رئیس غنی، دولت نینگ برچه دستگاهلری دیجیتالی بۉلیشینی ایتدی. بوندن سۉنگ نقلیه واسطه، درآمد، یۉللر و باشقه بۉلیملر فعالیتی الکترونیکی بۉلیب و بشری منبعلرگه جدی اصلاحات کۉرینیشی کیره ک دېب قۉشیمچه قیلدی.

جمهور رئیس غنی، تشکیلات صفت و افغانستان شمول بۉلیشی کیره کلیگی باره سیده تاکیدلب اترا اداره سیگه برچه سیستم تېکشیریلیشینی بویوردی. معلوماتلر کونده ییغیلیب برچه نینگ اختیاریگه قۉییلیشی ضرورلیگینی قۉشیمچه قیلدی جمهور رئیس غنی. اونینگ کۉپه یتیریشیچه، بیرلشمه لر شرکتلرگه ایله نیشی کېره ک، چونکه ترانسپورتی شرکتلرسیز، بیمه (سوغورته) سیستمی عملگه آشیریلمه یدی.

جمهور رئیس نینگ اورغولب ایتیشیچه، ترانسپورت قاچاق و فساددن مصئون بۉلیشی کېره ک. تعرفه لر اۉزگریشی بیلن ینگی موترلر تعرفه سی کمه ییشی کیره ک و عکس حالده اېسکی موترلر تعرقه سی کۉپه یتیریلیشی ضرور، ایش قانونی هیداووچیلر اوستیگه عملگه آشیریلیشی بیلن افغانستان موترلری منطقه دن باریب کېله آله دی.

اونگه کۉره، ترانسپورت سیستمی عمومی اصلاح بۉلیشی کېره ک و کابل گه یقین حسابلنمیش غلام خان بندری اوسستیده جاری ییلده نېچه میلیون دالر سرمایه یاتقیزیلیشی ممکن.

جمهور رئیس غنی اۉزی نینگ سۉزلری یکونیده افغانستان نینگ موقعیتی یېریک بیر سرمایه دیر بو اساسی مدیریتنی طلب قیله دی، چونکه افغانستان مرکزی و جنوبی آسیاگه یقین یۉل سنه له دی، شونینگ اوچون بو موقعیت دن اولکن فایده له نیش اوچون بیزلرنینگ برقرار پالیسی میزپالیسی، زمانوی، انیق و دیجیتالی سیستمگه یۉنلتیریلسین دېدی.

تازه ترین اخبار

Sun, Apr 25 2021 10:16 AM
Background image

جمهور رئیس غنی ترانسپورت وزیرلیگیده گی اصلاحات و بجریلگن ایشلر گزارشینی اېشیتدی

افغانستان اسلامی جمهوریتی جمهور رئیسی محمد اشرف غنی، بوگون توشدن آلدین ترانسپورت وزیرلیگی رهبرلیگی بیلن ییغین اۉتکزیب مذکور وزیرلیکده گی اصلاحات و بجریلگن ایشلرنینگ گزارشینی اېشیتدی.

ا. . .

بازگشت به اخبار