د څېړنپوه دکتور اکبرجان (پولاد لنډ ژوند لیک
د څېړنپوه دکتور اکبرجان (پولاد لنډ ژوند لیک
څېړنپوه دکتور اکبرجان ( پولاد) د سیدا جان زوی په ۱۳۳۹ لمریز کال د خوست ولایت د سمل خیلو ولسوالی د برخانخیل په کلی کې زیږیدلی دی.په ۱۳۴۵ کال د خوست ولایت د څړبن په منځنې ښونځې کې شامل شو.په ۱۳۵۹ کال کې د خوست د مخانیکی لیسې څخه فارغ شو.په همدې کال د کابل په مخانیکی لیسه کې د ښوونکی په توګه مقرر شو.په همدې کال د کارنکور د لارې د کابل پولې تخنیک انستیتوت کا شامل شو او ۱۳۶۱ کال د امادګي په پوهنځي کې شامل او په بریالیتوب سره یی پای ته ورسوله. په همدې کال د لوړو زده کړو لپاره د اوکراین جمهوریت د خارکوف د سرک او موټر په ملی پوهنتون کې زده کړې پیل کړې. په ۱۳۶۶ کال کې د نوموړی پو هنتون د ترانسپورټ د بهره برداري رشتې څخه د تخنیکي علومو ماسټر په توګه
د ( د افغانستان غرنیو شرایطو لپاره د ډېزلي انجن طرحه کول ) تر عنوان لاندې خپل ماسټری تېزېس دفاع کړو. په همدې کال دعسکری مکلفیت خدمت د تیرولو لپاره سوق شو . په ۱۳۶۸ کال د عسکری مکلفیت څخه ترخیض شو. په ۱۳۶۸ کال کې د یو کانکور د لارې د علومو اکاډمي په علمی کادر کې دنوماند څړندوی په توګه ومنل شوم.په ۱۳۶۹ کال کې د نوماندي دوره يی د ( مودل متیماتیکی تامین اطلاعات پلانګذاری و اداره سیستم ترانسپورټ موتری) تر عنوان لاندې علمی اثر په بشپړه اود څړندوی علمی رتبه یی واخیسته. په ۱۳۷۵ کال کې یی د ( تعین نورم خدمات تخنیکی و استهلاک پرزه ها در شرایط کشور ) تر عنوان لاندې علمی رثاله بشپړه او دفاع کړو او د څېړنوال علمي زتبې ته ترفیع وکړه . په ۱۳۷۹ کال کې د سیاسي ناخوالو له امله د هېواد څخه هالنډ او انګلستان ته په کډه مجبور شو او د ۱۳۸۴ کال په پای کې بېرته هېواد ته راستون شو.
په ۱۳۸۵ کال کې د ( د کابل ښار ترانسپورټی سیستم معقول مودل طرحه کول ) تر عنوان لاندې اثر په بشپړیدو او دفاع سره د څېړنپوه علمی رتبه تر لاسه کړه.
دترانسپورټ ، د ترانسپورټی تخنیکی بهره برداري او ترانسپورټي سیستمونو په ( ۲۵ ) علمی او څېړنیزې لیکنې لري. د هغې جملې څخه (۲۲) ليکنې چاپ شوي دي او درې یی نا چاپ پاتې دي.
مدني فعالیتونه :
د افغان کلتوري ټولنو ګډې جرګې د دارالانشا غړی دی. نږدې لس کاله د پوهنې او لوړو زده کړو په برخه کې د خپلې خوښې کارونه کوي. په زیات شمېر ملي او سیمه ایز کنفرانسونه کې ، چې د لر او بر لوی افغان د ستونزو د حل په برخه چې د افغان کلتوري ټولنو د ګډې چرګې او د مدني ټولنې د همغي مرکز په لر او بر کې له خوا جوړ شوي و ، فعال تنظیمونکی و . د کلتوري ټولنو ګډې جرګې په استازیتوب يی د پوهنې وزارت سره په ګډه د پښتو ژبو زده کونکو لپاره په پښتو ژبه د زده کړې زمینې برابرولو لپاره کار کړی دی .
د مدني ټولنو د همغږی مرکز په جوړولو او فعال ساتلو کې زیاته ونډه درلوده. ددې مر کز له براکته په لومړی ځل د توکیو په کنفرانس کې په نړیوالو ومنل شوه، چې په افغانستان کې به د با عزته سولې لپاره لاره خلاصوی.
په افغانستان کې د ملی یووالی، سولې ، په جګړه کې ملکي وګړو د وژنې مخنیوی لپاره یی د قومي شوراګانو د همغږي کولو هلې ځلې وکړې اود یو زیات شمېر لاریونونواو مطبوعاتي کنفرانسونو په جوړولو کې د مشرتابه غړی په توګه فعاله برخه واخیسته.
د نورو قومونو سره یو ځای د ژبو او فرهنګ د ملاتړ او پراختیا بنسټ جوړکړو او لا تر اوسه یی مشری په غاړه لری.
دندې:
په ۱۳۶۹ کال راهیسې د ریاضی ، فزیک او تخنیک علومو مرکز علمی غړی دی.
درې کال د ریاضی ، فزیک او تخنیک علومو مرکز رییس وه.
دوه کاله د سرحدونو او قبایل چار وزارت د جرګو او قبایلو رییس و.
فعلا د علومو اکاډمي د تکنالوژي او تخنیک انستیتوت امر دی.
متاهل دی، څلور اولادونه دوه لوڼه او دوه زامن لري. په کرایی کور کې اوسیږی.