افغانستان ته د بهرنيو موټرو د تګ راتګ پلان پر طرحه مشورتي ناسته ترسره شوه
نن (سه شنبه)د ټرانسپورټ او هوايي چلند وزارت د واټ ټرانسپورټ معين الحاج ملا عبدالسلام حيدري په مشرۍ چې د دې وزارت رئیسانو او کارکوونکو هم پکې برخه درلوده، د بهرنيو چارو وزارت مالي او اداري مرستيال، د کورنيو چارو وزارت د سرحدي پوليسو عمومي رئیس، د صنعت او سوداګرۍ او د ماليې وزارتونو له استازو سره د ګاونډيو هيوادونو د باروړونکو موټرو د تګ راتګ پر جوړه شوې طرحه مشوررتي ناسته ترسره کړه، په دې ناسته کې د يادې طرحې د ښه پلي کېدو په پار ګټور بحثونه او خبرې اترې وشوې.
