د سرخرود څپري سرک جوړونې چارې 87,17 فيصده مخکې تللې دي.
ياد سرک 33 کيلومتره اوږدوالى او 11 متره پلنوالى لري او د سرک څنډې به هم ورسره رغول کيږي.
نوموړى سرک د اسيا پرمختيائي بانک په مالي مرسته جوړيږي او دې(PMO) دفتر لخوا يې د جوړونې چارې ترسره کيږي چې د 35 مليونو ډالرو په ارزښت يې قرارداد يو شخصي شرکت ته ورکړل شوى.
ياده پروژه د ټرانسپورټ وزارت له مهمو پروژو څخه ګنل کيږي او په بشپړيدو سره به يې د کابل- جلال اباد دې لارې تلونکو ستونزې راکمې کړي.
او سوداګر به وکولاى شي چې د دغه سرک له اسانتياٶو څخه په ګټې اخيستنې سره خپلو سواګريو ته دوام ورکړي.
ياده پروژه به د دې لارې د ځايي اوسيدونکو اقتصاد ته وده ورکړي او په امنيت به مثبت اغيز ولري.