د ټرانسپورټ وزير د تخار ولايت والي سره وکتل
د افغانستان اسلامي جمهوريت د ټرانسپورټ وزير انجنير يما ياري په خپل دفتر کې د تخار والي سره وکتل.
په دې ليدنه کې داوړو لوريو په تخار ولايت کې د ټرانسپورټ وزارت د پرمختيايي پروژو په پلي کولو بحث وکړ او نظرونه يې تبادله کړل.
د تخار والي په ياد ولايت کې د ځينو بشپړ شويو پروژو لکه دو لات بنګي ـ اشکمش, د ورسج ــ خوست فرنګ سړک او د زرګران قصر يادوري وکړه او د هيواد پرمختګ لپاره يې يو نېک ګام ياد کړ.
همدارنګه په دې ليدنه کې د پرمختيايي د څارنې او ساتنې پروژو په ځانګړې توګه د خواجه بهاوالدين ــ ينګي قلعه او خواجه غار ــ دشت قلعه په اړه بحث وشو.
د ټرانسپورټ وزير انجنير يما ياري د پرمختيايي پروژو پلي کول مهم وګڼل او د پروژو کار د ګړنديتوب لپاره يي د تخار ولايت مسٶولينو ته لارښوونه وکړه, د تخار والي عبدالحق په ياد ولايت کې د ټرانسپورټ وزارت د پروژو د پلي کولو له کبله د د وزير څخه مننه وکړه او د پروژو د بشپړيدو لپاره يې د هر ډول مرستو ژمنه وکړه.
