په تورخم بندر کې د ترانسپورتي او سوداګریزو ستونزو د هوارې په موخه د ترانسپورت وزارت وزیر ښاغلي محمد حمید طهماسي تر مشرۍ لاندې د اړوندو ادارو او خصوصي سکتور د استازو په ګډون غونډه ترسره شوه.

Anonymous (not verified)
چهارشنبه ۱۳۹۷/۹/۲۸ - ۹:۵۰
Minister

د جمهوري ریاست د عالي مقام د هدایت پر بنسټ، د ترانسپورت وزیر ښاغلي محمد حمید طهماسي تر مشرۍ لاندې د سوداګریزو چارو معینې، او د سوداګرۍ او صنعت وزارت سرپرستې آغلي کاملې صدیقي، د مالیې وزارت د عوایدو او ګمرکاتو معین ښاغلي عبدالله رقیبي، د ملي دفاع، کورنیو چارو، بهرنیو چارو استازو، د افغانستان د صنایعو او سوداګریو اتاق مرستیال ښاغلي خان جان الکوزي، د خصوصي سکتور استازو او د ترانسپورتي وسایطو مالکینو په ګډون د همغږۍ ګډه غونډه ترسره شوه. په لومړیو کې د صنایعو او سوداګریو چارو اتاق مرستیال خان جان الکوزي او د ترانسپورتي وسایطو خاوندانو په تورخم بندر کې د ترانسپورت په برخه کې د خنډونو او د خپلو ستونزو اړوند خبرې وکړي، او د یادو ستونزو د هوارې په موخه یې د اړوندو ادارو څخه د عملي ګامونو اخیستو غوښتنه وکړه. د ترانسپورت وزیر، د خصوصي سکتور ستونزو ته رسیدنه او هغوی ته د لازمو آسانتیاوو رامنځته کول د خپلې ادارې د اړینو دندو څخه وګڼل او د ترانسپورت وزارت رئیسانو ته یې هدایت ورکړ ترڅو یادې ستونزې په غور وڅیړې او د حل په برخه کې یې د اړوندو ادارو په همغږۍ اقدام وکړي. په دې غونډه کې د ګډونوالو د هراړخیزو خبرو اترو وروسته د ترانسپورتي وسایطو د تراکم څخه د مخنیوي او په تورخم بندر کې د نظم رامنځته کولو، د ترانسپورتي وسایطو لیږد د اړوندو ادارو په مرسته ترانسپورت وزارت ته، د ترانسپورت نوم څخه د بدې ګټې اخیستونکو وګړو پیژندنه او هغوی عدلي او قضایې اورګانونو ته معرفي کول او د یادو ستونزو څخه د وتلو لارې په توګه د اړوندو ادارو سره د خصوصي سکتور د ځانګړې طرحې شریکولو اړوند فیصله وشوه او د اړوندو ادارو ټولو استازو د یادې فیصلې د عملي په برخه کې ژمنې وکړي. همداشان په پام کې ده چې د ترانسپورت وزارت د مالي او ادارې معین په مشرۍ یو هیئت ننګرهار ولایت ته سفر وکړي او یاده موضوع د اړوندو ادارو سره د شریکولو وروسته هر اړخیزه وڅیړې ترڅو عملي ګامونه په پام کې ونیول شي.

تازه خبرونه

سه‌شنبه ۱۴۰۱/۴/۱۴ - ۱۳:۳۴
Background image

د ټرانسپورټ او هوایي چلند وزارت ، د ټرافیکو ریاست ، د کابل ښاروالۍ او د کابل امنیه قومندانۍ ترمنځ د ټرانسپورټي تنظیم په موخه غونډه تره سره شوه

د ټرانسپورټ او هوایي چلند وزارت ، د ټرافیکو ریاست ، د کابل ښاروالۍ او د کابل امنیه قومندانۍ ترمنځ د ټرانسپورټي تنظیم په موخه غونډه تره سره شوه.

د ټرانسپورټ او هوایي چلند وزارت د پالیسۍ. . .

شنبه ۱۴۰۱/۴/۱۱ - ۱۱:۵۱
Background image

د کابل نړيوال هوايي ډګر څخه سعودي عربستان ته

د کابل نړيوال هوايي ډګر څخه سعودي عربستان ته د حاجيانو د لېږد (الوتنو) په دوام پرون هم د دغه نړيوال هوايي ډګر له لارې ٣٤٦ تنه نور حاجيان د حج مراسمو  ترسره کولو په موخه سعودي عربستان ته. . .

چهارشنبه ۱۴۰۱/۴/۸ - ۱۴:۵۸
Background image

د فراه هوايي ډګر

د فراه ولایت هوايي ډګر د ۱۳۴۳ او ۱۳۴۴ هجري لمریز کال تر منځ د فراه ولایت په سویل ختیځه برخه کې جوړ شو چې په پیل کې یې اوږدوالی ۲۷۰۰ متره او پلنوالی یې ۱۶۰ متره و.
د دغه هوايي ډګر د. . .

BACK TO NEWS