د ټرانسپورت وزارت او کابل ښاروالۍ تر منځ د ټرانسپورټي شرکتونو د جوړیدو او فعالیت د مقرري د نهایي کولو په موخه ناسته وشوه.

Ali Muhsin
Wed, Aug 26 2020 8:21 AM
t1
نن سې شنبې د جمهوري ریاست د کابیني د مصوبي د لارښونې پر اساس چې د ټرانسپورتي شرکتونو د جوړیدو او فعالیت د مقررې په اړه شوي دي او له هغې وروسته د ټرانسپورت وزارت او کابل ښاروالۍ د رهبریو د پریکړي پر اساس د یادې مقررې د نهایي کولو په موخه د ټرانسپورت وزارت مرستیال وزیر په مشرۍ د دواړو ادارو ترمنځ ګډه ناسته ترسره شوه.
ښاغلي حسنې مبارک عزیزي په دې ناسته کې د ټرانسپورتي خدماتو او سهولتونو وړاندې کول، د ټرانسپورتي معیارونو په نظر کې نیولو سره د یاد وزارت د کاري لومړیتوبونو څخه یاد کړل چې په دې برخه کې د ټرانسپورت وزارت رهبرۍ د کابل ښاروالۍ او نورو اړوند اداراتو سره د ټرانسپورتي پروګرامونو د عملي کولو په برخه کې پراخه همغږي رامنځ ته کړي ده، نوموړي همدا راز د ټرانسپورتي شرکتونو د جوړیدو او فعالیت مقررې نهایې کول د ټرانسپورت په معیاري کولو کې حیاتي وبلل او مسولینو ته یې لارښوونه وکړه ترڅو یاده مقرره کې د عامه ټرانسپورت د خدمتونو په نظر کې نیولو سره د کابل ښاروالۍ او نورو اړونده ادارو د نظرونو سره سم نهایي کړي.
همدارنګه ښاغلي عزیزي په کابل ښار کې د ټرانسپورتي ګڼې ګوڼې د کمولو او د نظم راوستلو لپاره د ټرانسپورتي نظم د کمیټې د بیا فعالیدو چې مخکې د اړونده ادارو ترمنځ رامنځ ته شوي وه مهمه وبلله چې د جلسي د ګډون کونکو لخوا تاید شوه.
ورپسې د کابل ښاروالۍ سرپرست معین سهراب صدیقي په کابل ښار کې د ټرانسپورتي خدماتو او سهولتونو د رامنځ ته کول ګډ کار وګڼلو او وویل چې یاده مقرره باید زر تر زره نهایي شي او همدارنګه یې د ښار د ټرانسپورتي نظم د کمیټي د بیا فعالیدو لپاره امادګي ښکاره کړه.
د یادوني وړ ده چې د ترانسپورتي شرکتونو د جوړیدو او فعالیت مقرره د کابل ښاروالۍ سره شریکه شوه او ټاکل شوې ده چې د اونۍ تر پایه نهایي او د بیا تصویب لپاره کابینې ته وړاندې شي.

تازه ترین اخبار

Sun, Apr 25 2021 10:16 AM
Background image

جمهور رئیس غنی ترانسپورت وزیرلیگیده گی اصلاحات و بجریلگن ایشلر گزارشینی اېشیتدی

افغانستان اسلامی جمهوریتی جمهور رئیسی محمد اشرف غنی، بوگون توشدن آلدین ترانسپورت وزیرلیگی رهبرلیگی بیلن ییغین اۉتکزیب مذکور وزیرلیکده گی اصلاحات و بجریلگن ایشلرنینگ گزارشینی اېشیتدی.

ا. . .

بازگشت به اخبار