ټرانسپورټ وزیر د یو شمېر وکیلانو سره وکتل
د افغانستان د اسلامي جمهوریت د ټرانسپورټ وزیر ښاغلي انجنیر یما یاري، د کندهار، پکتیکا او خوست ولایتونو له یو شمېر وکیلانو سره په لېدنه کې، په یادو ولایتونو کې د ټرانسپورټ وزارت پر روانو پروژو، لومړیتوبونو او د پروژو په پلي کېدو کې د خلکو پر همکارۍ خبرې وکړې.
په لېدنه کې ټینګار وشو، چې کندهار، خوست او پکتیکا ولایتونه د پرمختیايي لومړیتوبونو له اړخه د افغانستان د اسلامي جمهوري دولت او په ځانګړې توګه د ټرانسپورټ د سکتور له پاره خورا مهم دي او د روانو او راتلونکو پروژو په پلې کېدو د خلکو نظارت او همکاري دواړه اړین دي.
