د ټرانسپورت د مرستیال وزیر نن د جمهوري ریاست د عالي مقام له لومړي مرستیال سره کاري ناسته.
د ټرانسپورت مرستیال وزیر ښاغلي حسنې مبارک عزیزي نن د جمهوري ریاست لومړي مرستیال ښاغلي امرالله صالح سره وکتل.
ښاغلي عزیزي د جمهوري ریاست د عالي مقام د فرمان نه وروسته چې د یاد وزارت د تعلیق په اړه خپور شو په وزارت کې د تشکیلاتي اصلاحاتو او پرمختګومو په اړه د لومړي مرستیال سره شریک کړل.
او زیاته یې کړه، د ټرانسپورټ سکتور د ترانسپورټي خدماتو په وړاندي کولو، د سیمي او ګاونډیو هیوادونو سره ټرانسپورټي اړیکو او د هیواد په اقتصاد کې د مهم رول لوبونکی سکتور یاد کړ او د حکومت له رهبرۍ څخه یې د یاد سکتور د قوي کیدو برخه کې د ملاتړ غوښتنه وکړه.
په ورته وخت کې د جمهوري ریاست لومړي مرستیال په ټرانسپورت وزارت کې د راغلو اصلاحاتو څخه هر کلي وکړ او ټینګار یې وکړ چې د عامه ټرانسپورت ستونزو ته د رسیدو لپاره باید یاد وزارت د اړونده ادارو سره جدي هڅې وکړي او موږ ستاسو د اصلاحي پلانونو او برنامو چې د عامه ټرانسپورت اسانتیاوي برابروي ملاتړ کوو.
