د قيصار - لامان سړک د دوهمې برخې د جوړنې چارې 25 فيصده مخکې تللې دي
ياد سړک د قلعه نو مرکز څخه پيل الى د بادغيس ولايت د مقر ولسوالۍ تر بوم درې پورې د 48 کيلومترو په اوږدوالي او 7 مترو په پلنوالي رسيږي.
ياده پروژه د اسيا پرمختيايي بانک په مرسته جوړيږي او قرارداد يې 48,36 مليونه ډالرو په ارزښت يو خصوصي شرکت ته ورکړل شوى چې اوسمهال يې 25 فيصده کار مخکې تللى.
ياده پروژه د افغانستان د حلقوي سړک څخه ده چې شمالي ولايتونه د جنوب سره نښلوي.
د قيصار - لامان سړک د ټرانزيټي پروژو څخه ده چې د سيمې په اقتصادې وده باندې به مثبت اغيز ولري او په تکميليدو سره يې د افغانستان ټرانزيټ, سوداګرۍ او اقتصاد لپاره به ځانګړى ارزښت ولري.
